ETEL
النظرة العامة: صاعد
المدى القصير: هبوط
المدى المتوسط: عرضي
المدى الطويل: صاعد
سهم المصرية للاتصالات من أسهم المؤشر التلاتيني اللي حققت أرقام ممتازة من يوليو 2022
السهم حاليا بيقابل مستوى مقاومة قوي جدا حوالين 28 جنيه ودي قمة جديدة موصلهاش قبل كدة ومن الصعب تحديد المستهدف القادم لو السهم تمكن إنه يخترق أعلى 28 جنيه.
توقع التحرك العرضي بسبب الطروحات القادمة اللي ممكن تأثر على السيولة المتاحة، وده هيكون تأثير عام مش مرتبط فقط بالمصرية للاتصالات.
إذا تم التأكيد على ميعاد بيع حصته في فودافون مصر، السهم هيطير لفوق، بالرغم من إني مش بأفضل لشراء على حسب الاخبار، نتيجة لخطورتها المرتفعة، الحالة دي استثناء لأنها سيولة هتدخل مباشرة في الموازنة العامة وتغطي جزء من عجز الدولار والموازنة، وإن كان مش هيستمر طويلا لو المصرية للاتصالات ما أعلنتش عن خطط توسع تقابل حصيلة البيع لاستمرار الأداء القوي في السوق.
شخصيا أفضل الانتظار لحين ظهور شموع شراء قوية بعد ارتداد من دعم سابق، احتمال عند منطقة 20 جنيه وده هيكون تصحيحي مناسب جدا عشان السهم ينطلق لمستويات قمة جديدة، وده يزود الأمان والمكاسب.
يرجى الحذر دايما عند الشراء قرب قمم، الأفضل توقع الهبوط عن الصعود، مش هتخسر فلوسك لو مااشتريتش والسهم كسب، بس هتخسرها لو اشتريت والسهم نزل
بالتوفيق